Monday, January 16, 2012

*** අක්කා කසාද බැන්දා ***



ලැසි ගමනින්
රන් රිදී අභරණ
පළදවා මුලු සිරුර
යන්න යයි අක්කා
බරණැසට උදෑසන.....

ඇතුල් ගිනි පිට නොදී
පිට ගිනි ඇතුල් නොකොට
ඉන්න යැයි කියමින්
අම්මා මතුරනවා
තුන් සරණ වගේ කනට
අක්කාට වහ කඳුරු මෙනි...

කිරි කල 7ක් පොවා රැකි පුතු
වගේ තවත් ඇය කැරකෙයි
අක්කා වටා සරණ බන්ධනය
දෙව් ලොවක් කර ගන්න
කියමින් ලය මතට අත තියන්........

අජානිය අස්ව පිටින්
මුල්ම දා ගෙදරට ආ
බරණැස් කුමරු ගැන
සිත නොපිහටවු තාත්තා
තවමත් කුස්සියේ
පිල ළග ඉදගෙන
වක් වෙලා දෑත
නිකටට තබන්
හිතනවා වෙන්න ඇති
නොදන්නා ශ්ලොකයන්
පහදා දෙන්න බැරි කමට
තම ලෙයින් හැදු දියණියට.........

අෂ්ඨක තැලිපිලි නැති
හතර වරිගයක් නොදත්
ගමන ඇය ගියා දැන්
බායි කියලා නළල සිඹ මගෙ....

      

2 comments:

ආලවන්ත හුදකලාවෙ තනි මකන්න ඇවිත් ගියාට ස්තුතියි කියන්න බැහැ... ඒ තරම් වටිනවා ඔබේ පැමිණිම මට....