__________අවසන අහස නිදහස් විය __________

ගැබ්බර අහස
විලි රුදාවෙන් පෙලෙමින්
හෙමින් හෙමින්
කදුළු කූඩයක
අඩුම කුඩම ඔබ්බවා
දරු ප්‍රසුතියට සූදා නම් වෙයි....

ත්‍රස්තවාදයේ සුළි සුලං
හමා යමින් තුරු හිස්
ප්‍රචණ්ඩත්වයෙන් රිද්දයි....

ලේ පිපාසිත ගෝරනාඩු
විදුලි ගර්ජනා
අවි අමෝරා අඳුරු සෙවනැලි
විටින් විට එළිය කරමින්
බිය වද්දයි....

ඝණ අන්ධකාරයේ ගුප්ත බවට
තර්ජනා කරමින්
ෂඩ් වර්ණා ලෝකයක්
ගගනතට
වින්නඹු කම් කරන්නට සැරසෙයි.

අවසන මරණයේ වැල
ගෙල ලා සිටි
මහා වර්ෂාව
නිදහස පතා
ටොක ටොක ගා
මහ පොළවටම කඩා වැටුණි.