*** බක්මහ කුමරියක් වූ හන්දා ***

ගම්මානෙ හැඩ කරපු කහපාට මල ඇයයි
හන්තානෙ පිස ඇවිත් සුළං වැදුණා තමයි__________

දොලොස් මසකට වරක් වසනත්තේ මංගල්‍යයයි
සුන්දරම පිච්චමල කුමරි ඔටුනක් පැලැන්දුවයි_________

කොණ්ඩ දෙක ගොතාගෙන දුව පැනපු කෙලිත්තියි
පංච කල්‍යාණිය වෙලා මුල් පුටුවෙ රුවැත්තී ඇයයි_______________

වාසනා අවාසනා ඇගෙ වටෙම කැරකුණා සත්තමයි
මැම්බර්ට හිත ගියේ ඇය ගැනම නොව රුවටමයි________________

කොළඹ හතෙ මාළිගාව මවා පා ඈ එක්ක යන්නයි
රන් රිදී සත් දවස් මගුල් ගැන ඇයට පොඳි බදින්නයි___________

දිනෙන් දින ගෙවී කාලයක් ගියෙ මාස දෙක තුනකටයි
නොදැනුවත්ම ඇය ඇවිත් ගම ගැබිණියක් වූ බවයි______________

මුව වසා මව්පියන් ඇය ගැන දුක් හදේ තෙරපවයි
කිසිවෙක්ට නොකියාම මහවැලිය යටක ඈ හැංගුනයි_____________