Wednesday, February 26, 2014

*** නන්දේ ***


යාය පුරා එක නාදෙට
සී පද එන සද්දේ
ආලවඩන ඔය වදනට
මගේ ගතම පැද්දේ...
සාර සොබා මල් පීදි
ගම හිනැහෙන මැද්දේ
ආවා මං කැන්දාගෙන
මතක නේද නන්දේ...

එදා වේල එකට වැටී
කෑවා අපි සංතෝසේ
මෙදා රහට දිව පැටලී
මං වැටේද විස්සෝපේ...
දූලි සුලන් සීතල වැහි
මා වටකර සංසාරේ
නුඹ ළඟකින් නෑ ඒකයි
දරා ගන්න බැරි නන්දේ...

පුංචි එකී නැති ලමැදම
ගැස්සි ගැස්සි ඉස්සේ
රංචු රංචු සමනල් මැද
බඹරුන් එයි තිස්සේ...
ගහත් වැලත් වෙලා දෙකම
ඈ ඔතන්න අස්සේ
ඒ මැද්දෙන් දුරස්වෙන්න
දෙන්න එපා නන්දේ...

ගෙපිළෙ ඉදන් හූල්ලලා
පිච්චෙයි නුඹෙ හදවත
ඇස් දෙක බොර පාටවෙලා
වැහැරෙයි නුඹ හොඳටම...
කාසි පනම් ඈත රටින්
එකතු කරන් ජීවිතයට
පාඩු ගන්න මං එනවා
ඉන්න ඉතින් නන්දේ...

6 comments:

ආලවන්ත හුදකලාවෙ තනි මකන්න ඇවිත් ගියාට ස්තුතියි කියන්න බැහැ... ඒ තරම් වටිනවා ඔබේ පැමිණිම මට....