===රත්නේ ===

අතරමං සුළඟකය සද්දේ
හතරමං හන්දියට දුරද රත්නේ
ලැමේ කිරිවල සුවඳ ඉම්ඹේ
පොඩි එකා නොව දැනුයි දන්නේ

දෙතොල් සැලි සැලි ඇඟිලි ගැස්සී
වඩන් හිටි පොඩි එකා හැඩුවේ
අතුල් පාරක් සුළඟ ගැහුවේ
ගෙවල් හරියට ආවාද රත්නේ

රබර් වත්තට එහා ඉඩමේ
බුරුත ගහ මහ පාර මැද්දේ
කකුල් ඉක්මන් කරන් අාවොත්
වැස්ස එන විට ගෙදරමයි රත්නේ

ටිකෙන් ටික හිත ගැහෙන සද්දේ
මහ බියක් දැනෙනවා රත්නේ
දුවන් ඇවිදින් වැළඳගන්නට
එපා ඒකයි කොහෙද ඇහුවේ

සුළි සුළඟ බව පසුව දන්නේ
ඔබ පමා ඇයි හිතෙන් ඇහුවේ
යලි හදාගෙන ඉන්න හැක්කේ
ඒ වුනත් මං ඉදුල් රත්නේ

2015/10/22