ජීවිතය

              

අකුරකට පුළුවන්ය ලෝකයක්	හරවන්න
කවියෙක්ට හැකිවේය මිනිසුන්ව	නලවන්න
මිනිසෙක්ව උපන්නොත් ජීවිතය	ගෙනයන්න
හදවතක් තියෙන බව අමතකම	නොකරන්න
තවලමක නියමුවා වැරදුවොත් මඟ	එහෙම
අවුලක්ය මුළු ගමන වැරදේය	හැම තැනම
රිඳවුමක් ලැබුණාට කඳුළක්ද	එකසේම
ලද ‍දෙයින් සැනසෙන්න හුරුවෙන්න	දිවියේම.
විදුලි ඊතල පහරමයි බො පපු	කැවුතුවල
සුනිල දිය බිඳුත් හිඟ නොමැත සැඩ	පහරවල
ඉරි තැලුණු හදවතක් මසන්නට	පුරුදු කල
ආ මඟත් සැනසුමකි බැලූවිට	ජීවිතවල
කිනිස්සක් ගෙන අනින විට උදුවපේ	සීතල
අගිස්සක් නැති කවියකින් සරසලා	අඟමුල
කැමැත්තක් හෙම නැතිවුනත් කියවන්න	සුලමුල
බිඳක්වත් හිතුවාද බුදුන් නො'පුදයි	පරමල
අහම්බෙන් නැහැ ලැබුවෙ කිසි දිනක මනු	උපත
පින් බලෙන් උරුම වූවක් මෙ'සසර	හිතවත
උපන්නට දිවි සරිය නොම ගෙවාගෙන	දියත
කරන්නක් කරනු යහ ඔබට උරුමයි	සුරත