ජීවිතේ කොටසක්ය මේ

සේලයින් බිංදුවක් මේතරම්
සංයමෙන් පහළට වැටෙන්නේ කොහොමද ?
සිරිංජර් කටුවකට ඔය තරම්
ආදරේ යවන්නේ මොන හිතකින්ද

මිලිග්‍රෑම් වලින් උඩ යට යන ඉලක්කම්
හදවතට කොච්චරක් කතා කියනවද
හැම තැනම හිනාවෙන අඬන මුහුණුම
එක පාර ඩෝං ගාන සද්ද ගේන

රුධිර පීඩන මානය දන්නේම
අතකින් අතකට මාරුවෙන්නට
උණ කටුව කියන්නේ සීතලේ
ගුලිවෙන්න ඕනි බව නිතරෝම

හැගුම් අහිංසක බව දැනෙන්නට නම්
අතින් අල්ලන් ඇස් පතුලකට එබෙන්න
මිනිස් කැළ මැද උමතුවෙන් උපන් උන්
හා ගෙවෙන වෙලාවල් මේ යන්නෙ

පිස්සෙක් කියන්නේ මිනිහෙක්ට
මිනිහෙක් කියන්නේ පිස්සෙක්ට
පිස්සෙක් එක්ක මිනිසෙක් ඉන්නවා කියන්නේ
ඔය දෙක අතර මැද නින්දකට