Wednesday, March 2, 2016

යශෝදරා ඔබ නොදනී

"කැලේ තියෙන කොයි දේවත් රස වේවා"
යශෝදරා ඔබ කීවත් සුසුම් දරා
වැලේ පල බරව උහුලනු නොහැකි පෙමා
හැපේ ලඳුන් මිහිබට දුක් හොඳට උරා

සඳේ සොමි කැළුම් විහිදෙන රැස්මාලා
ඔබේ සැමිය වෙත පුදනා හැටි ඇහුණා
හිතේ ගින්න ඇවිලෙන යුරු යශෝදරා
දුටිද ඔබත් බැල මෙහෙවර දුක කොහොමා
ගව්වෙන් ගව්ව දිව මාළිඟ කුමට පතා
වියතින් වියත ලන්ඳූ ඇත හිසත් වසා
අල්ලෙන් අල්ල පුරවයි උන් ඇඟිටි කියා
ඇසඟින් පනින කඳුළැල් නොමැත නිමා
සිල්වත් සුවඳ ,රහමෙර ළඟ දණින් වැටී
වල්මත් හැඟුම් මැද සැමියන් ඔටුණු ගනී
ගුණවත් කමින් පිරිපුන් සොඳ ගැහැණු සොයා
පොත්පත් වලින් උන් දොඩවති සිහින මවා
කාරණාව බුදු වෙනවා ලකුණු නැතී
පාරවනා හද ගින්දර උන්ම දනී
ජීවිතේම බැල මෙහෙවර මැදින් ගෙවී
වාලුකාවෙ ඇත ගැහැණුන් ඔබ නොදනී

8 comments:

  1. Replies
    1. ඒකනෙ ඒකනෙ.
      ස්තුතියි ඉවාන්.

      Delete
  2. Replies
    1. හ්ම්. ආදරය.
      ස්තුතියි කුරුටු.

      Delete
  3. දැන් යසෝධරා හිටිය නම්... හපොයි එහෙම දෙයක් හීනෙන් වත් වෙන්න එපා.

    ReplyDelete
    Replies
    1. බොහොම ස්තුතියි මල්ලියෙ.

      Delete
  4. ලස්සන කවි පෙළක්. "කාරණාව බුදු වෙනවා ලකුණු නැතී" මේ තාලයට යන සින්දුවක් තියනවා වගේ මතකයි.

    ReplyDelete
    Replies
    1. ඔව් අජිත්. ඒ වගේම යශෝධරා වතේ ත් තියෙනවා. කාරණාව බුදුවෙනවා ලකුණු දැනේ කියල..

      Delete

ඔබේ පැමිණිම මට සවියක්.

ඉතින් සොඳුර

 ඉතින් සොඳුර , ජීවිතේ කොයි හැඩේදැයි නොවිමසන්න, ඔබ ගිය තැන සිට මා  දරාගත්තේ කෙසේ දැයි නොඅසන්න  ආදරයක අකුරු අතරට වැඩි යමක් ඔබේ ඇසුරෙහි මා විඳි...