නැවතී එක තැනක ඉන්නට
හැකි නම් හොඳය
ඇහැරී යන්න වෙන දවසට
හොඳටම දුකය
මිහිරී කියා සිතුවත් හිත යට
සෙවනැලි ඇදය
තනිවී හඩමු අපි ජීවිතයට
ඉඩ දෙමු එහෙම
පිපිලා දෙපස සිනහව ලැබුවත්
දුෂ්කරය
හැරිලා නැවත එන එක තවමත්
සිහින
මිදිලා අපෙන් අපි ඉගිලෙන විට
රිදුම
දැනිලා වැටෙන කඳුලට නම දෙමු
ආදරය
තැවිලා ලැබෙන එක'මෙක දෙය
ඇවිලිල්ල
දුවලා ගිහින් නවතින්නට බැරි
නැවතිල්ල
පැලිලා හදවතේ හැම තැන ලේ
විසිරිල්ල
ලියලා නිම කරනු බැහැ සෙනෙහස්
ගගුලැල්ල
